Cri

ᐧᐋᒋᔭ, ᐁᐅᒄ ᓂᔮᓐ ᑯᐯᒃ ᓅᑕᓯᓀᐤ ᑲᒻᐸᓃᒡ ᒥᔮᒨᐱᑣᐤ

ᓂᔮᓐ ᑰᐯᒃ ᓅᑕᓯᓀᐤ ᑲᒻᐸᓃᒡ ᒥᔮᒨᐱᔮᐦᒡ ᓂᐐ ᒌᐦᑳᔮᐸᒫᓈᓂᒡ ᒥᓯᐌ ᐃᓅᒡ ᐅᑌ ᐄᓅ ᐊᔅᒌᐦᒡ, ᐊᓂᒌ ᒉᑳᑦ ᐁᓯᑯᓐ ᒌᓯᑳᐤ ᐙᒑᐸᑎᓰᒪᒋᐦᑣᐤ, ᐁᐅᒃ ᐧᐁᐦᒌ ᓂᑕᐧᐁᔨᑎᒫᐦᒡ ᐆ ᐁᔫ ᒉᒌ ᐄᓅᔅᑌᒡ ᒥᓯᐌ ᑖᓐ ᐁ ᐃᔑ ᐋᔨᒨᑌᒡ ᐅᑕ᙮

ᐁ ᐃᔑᓈᑯᐦᒡ ᐊᓐ ᑰᐯᒃ ᓅᑎᓯᓀᐤ ᑲᒻᐸᓃᒡ ᒥᔮᒨᐱᑣᐤ

1936 ᐊᔅᒌᐤ ᐊᒋᐦᑖᓱᓐ ᐁᑯᑦ ᐅᔅᑲᒡ ᑳ ᐃᐦᑖᑯᐦᒡ ᐆ ᑯᐯᒃ ᓅᑕᓯᓀᐤ ᑲᒻᐸᓃᒡ ᐁ ᒫᒨᐱᑣᐤ, ᐁᐅᒄ ᐅᒌ ᓈᐴᔥᑕᒧᐙᑣᐤ ᒥᓯᐧᐁ ᑯᐯᒃ ᓅᑎᓯᓀᐤ ᑲᒻᐸᓃ ᐊᓂᔫ ᑳ ᐅᔅᑖᔨᒡ ᓇᓈᐦᑰ ᐁ ᐃᑌᔨᐦᑖᑯᓂᔨᒀᐤ ᐱᐧᔮᐱᔅᑯ, ᓀᔥᑦ ᓇᓈᑰ ᐊᓯᓃ ᐙᐦᑯᑎᐦᐙᔨᒡ, ᑲᔦ ᐊᓂᔫᐦ ᑲᒻᐸᓃ ᐅᔖ ᐱᔻᐱᔅᑯ ᑳ ᓲᐦᑳᐱᔅᑳᔨᒀᐤ ᑳ ᐅᔑᐦᑖᔨᒡ ᑲᔦ ᒫᒃ ᓅᑕᓯᓀᐤ ᐋᐸᑎᓱᐎᓐᐦ ᑳ ᐱᒥᐸᔨᐦᑖᑣᐤ ᓀᔅᑕ ᓅᑕᓯᓀᐤ ᑲᒻᐸᓃᒡ ᒣᒀᒡ ᐌᔭᐱᐦᐄᓱᑣᐤ ᑲᔦ ᐊᓂᒌ ᑳ ᑎᐸᐦᐄᒉᑣᐤ᙮ ᒥᓯᐧᐁ ᐊᓐᒌ ᒣᓯᓈᓱᑣᐤ ᐅᑌ ᓅᑕᓯᓀᐤ ᑲᒻᐸᓃᐦ ᒥᔮᒨᐱᔨᒡ, ᑲᔦ ᐊᑖᐌᓲᒡ, ᒫᒃ ᐊᓂᒌ ᒥᔮᒨᐱᔥᑕᐦᒀᐤ ᒉᒀᔫ, ᒫᒃ ᐊᓂᑌ ᐁ ᐅᐦᒋ ᐋᐸᑎᓰᐦᑲᐦᑖᑲᓅᒡ ᒉᒀᓐ ᒫᒃ ᑲᔦ ᐊᓂᒌ ᓅᑕᓯᓀᐤ ᑲᒻᐸᓃᐦ ᐙᒑᐸᑎᓰᒫᑣᐤ ᐁᐅᑰ ᐅᒌ ᒉᒌ ᐐᒋᐦᐄᐌᑣᐤ ᓇᓈᐦᑰ ᒉᒀᔫ ᐁ ᐃᐦᑎᔨᐦᒡ ᐅᔫᐦ ᒥᔮᒨᓯᓈᓱᔨᑣᐤ ᑲᑕ ᒥᔦᔨᐦᑕᒧᐦᒡ ᒫᒃ ᐁ ᐃᔅᐱᔅ ᑖᐺᐅᒉᔨᐦᑖᑯᓯᔨᒡ ᓀᔅᑕ ᐁ ᐃᔅᐱᔅ ᒥᔻᒋᒫᑲᓄᔨᒡ᙮
ᐅᒌ ᒫᒃ ᓅᑕᓯᓀᐤ ᑲᒻᐸᓃᒡ ᒥᔮᒨᐱᑣᐤ ᐅᑕ ᑰᐯᑲᐦᒡ ᐃᐦᑕᑯᓂᔫ ᐁ ᐃᐦᑎᑣᐤ ᒉᒀᔫ ᐁᐐ ᓇᑳᐦᐊᐦᒀᐤ, ᒋᔐᐅᒋᒫᐤ ᐊᔨᒥᐦᐁᐅᒡ ᒥᓯᐌ ᐊᓂᑌ ᐁ ᐃᔑ ᐋᑯᐃᐦᑑᐱᔨᒡ, ᓀᔅᑕ ᐅᒋᒫᐤᐦ ᑲᔦ ᓇᓈᐦᑰ ᑯᑕᒃ ᑲᒻᐸᓃᐦ ᐁ ᐊᔨᒥᔥᑕᒧᐙᑣᐤ ᐊᓂᔫᐦ ᐙᒋᐦᐄᑯᑣᐤ᙮ ᑲᔦ ᒫᒃ ᐐᐙᐤ ᒥᔫᐸᔨᐦᑖᐅᒡ ᒉᒀᔫ ᐁ ᐅᔥᑖᐸᔨᒡ ᐅᔖ ᐊᓂᑌ ᒉᒀᔫ ᐁ ᐃᐦᑎᓈᓄᔨᒡ ᒫᒃ ᐊᓂᑌ ᐁ ᒫᐅᒋᐦᐄᑐᓈᓄᔨᒡ᙮
ᐁᐅᒃ ᐅᔫ ᐁᐃᔑ ᓇᓇᑲᒋᐦᑖᐤ ᑯᐃᔅᒃ ᒉᒌᔑ ᐋᔨᒨᑕᐦᐧᑳᐤ ᑯᐯᒃ ᓅᑕᓯᓀᐤ ᐋᐸᑎᓱᐎᓂᔫ ᓀᔥᑦ ᒉᒌ ᐐᒋᐦᑖᑣᐤ ᒥᓯᐌ ᒉᒌᔑ ᒥᔫᐸᔨᐦᒡ᙮ ᐁᐅᒄ ᐧᐋᐃᔑ ᐧᐋᐱᐦᑕᐦᐧᑳᐤ ᐎᔭᐙᐤ ᒉᒌ ᓃᑲᓂᔅᑲᐦᐧᑲᐤ ᑯᐃᔅᒄ ᐁᔑ ᐋᐦᒋᔅᑖᑲᓄᔨᒡ ᐁᐧᐄ ᑲᐧᑫᒋᐦᐋᐧᑖᐤ ᑯᑕᒃ ᐊᐧᐁᔫ ᐁ ᓅᑕᓯᓀᔨᐦᒡ᙮ ᒫᐅᔫ ᒫᒃ ᐧᐋᐃᔑ ᓇᓈᑲᒋᐦᑖᐤ:
• ᒉᒌ ᒋᔅᑌᔨᒫᐧᑖᐤ ᐊᐧᐁᔫ
• ᐁᑳ ᒉ ᐅᐦᒌ ᑳᑖᐧᑖᐤ ᒉᐧᑳᔪ ᒫᒃ ᒉᒌ ᐧᐋᐱᐦᑖᑲᓄᔨᒡ ᐁ ᐊᑎ ᐄᑖᐱᑎᓯᐧᑖᐤ
• ᐧᐃᔮᐧᐋᐤ ᒉᒌ ᑖᐧᐯᒉᔨᐦᑖᑯᓯᐧᑖᐤ ᒉᒌ ᐃᐦᑑᑕᐦᐧᑳᐤ ᐅᔦᔫ
• ᒉᒌ ᐋᐦᒌᔅᑕᐦᐧᑳᐤ ᒉᒌ ᐧᐄᒋ ᐋᐱᑕᓰᒫᐧᑖᐤ ᑯᑕᒃ ᐊᐧᐁᔫ

ᐁ ᐃᔑ ᓇᓈᑲᑐᐌᔨᐦᑖᑲᓅᐦᒡ ᐊᓂᑌ ᐁ ᓅᑕᓯᓈᓅᒡ
ᐃᔅᐱᓐ ᐙᐱᑯᓂᐲᓯᒻ 2014, ᐆᒌ ᑰᐯᒃ ᓅᑕᓯᓀᐤ ᑲᒻᐸᓃᒡ ᒥᔮᒨᐱᑣᐤ ᐁᒄ ᒫᒃ ᐊᓂᔫᐦ ᒣᓯᓈᓱᔨᒡ ᐁ ᐃᐦᑖᑣᐤ ᐋᐸᒋᐦᑖᐅᒡ ᐊᓂᔫ ᑖᓐ ᑳ ᐄᒋᔥᑖᑲᓄᔨᒡ ᓅᑕᓯᓀᐤ ᑲᒻᐸᓃᒡ ᒉ ᐃᐦᑎᑣᐤ ᐌᑖᒡ ᒉᒌ ᒥᔫᓈᑯᐦᑖᑲᓅᐦᒡ ᐊᔅᒌ ᑖᓂᑌ ᐊᓂᑌ ᓅᑕᓯᓈᓅᐦᒡ᙮ ᐆ ᒫᒃ ᐁ ᐃᐦᑎᓈᓅᒡ ᐐ ᓇᓈᑲᑕᐌᔨᐦᑖᑲᓅ ᑯᐃᔅᒄ ᒉᒌᔑ ᓇᓈᑲᒋᐦᑖᑲᓅᐦᒡ ᑖᓐ ᐁ ᐃᐦᑎᓈᓅᐦᒡ ᒥᓯᐌ ᐊᓂᑌ ᐁ ᓅᑕᓯᓈᓅᒡ᙮

ᐆ ᒪᓯᓇᐦᐄᑲᓐ ᑳ ᐅᔑᐦᑖᑲᓅᒡ ᒉ ᓅᔓᓀᐦᐄᑲᓅᒡ, ᐐᐦᑖᑯᓐ ᐊᓂᑕ 23 ᒉᒀᔫ ᒉ ᓂᑕᐌᔨᐦᑖᑯᓯᑣᐤ ᓅᑌᓯᓀᐤ ᑲᒻᐸᓃᒡ ᔮᐃᑌ ᒉᒌ ᓂᑐᒋᔅᒉᔨᐦᑕᐦᒀᐤ ᒣᓯᑯᒻ ᐱᐳᓐ, ᑯᑣᔅᒡ ᒉᒀᔫ ᒪᓯᓈᑌᔫᐦ ᐁ ᐸᐦᑳᓂᓯᓈᑌᔨᒀᐤ ᐁᑯᑦ ᑲᔦ ᐙᐦᑖᑯᓂᔨᒡ ᐄᓅ ᐊᐦᑖᐎᓂᐦᒡ ᑲᔦ ᒉ ᓂᑑ ᐊᔨᒥᐦᐋᑣᐤ ᐄᓅᐦ᙮ ᓀᔅᑕ ᑲᔦ ᑖᓐ ᒉ ᐃᐦᑑᑕᐦᒀᐤ ᒪᒑᐴᔫ, ᑲᔦ ᒉ ᐃᔑ ᓇᓈᑲᒋᐦᑖᑲᓅᐦᒡ ᒉᒀᓐ ᓀᐦᑖᐅᒋᐦᒡ ᐊᓂᑌ, ᑲᔦ ᒉ ᓇᓈᑲᑕᐌᔨᐦᑖᑲᓅᐦᒡ ᐁᑳ ᒉᒌ ᐗᓈᒋᐦᑖᑲᓅᒡ ᐙᔥᑳ, ᓀᔅᑕ ᑲᔦ ᔮᒀᒥᓰᐎᓐ ᓀᔅᑕ ᒥᔫᐱᒫᑎᓰᐎᓐ ᒉᒌ ᐃᐦᑕᑯᐦᒡ᙮ ᑯᐃᔅᒄ ᒫᒃ ᒉᒌ ᐃᔑᓈᑯᒡ ᒋᑲ ᓂᑕᐌᔨᐦᑖᑯᓐ ᒉᒌ ᑎᐱᓯᓇᐦᐙᑲᓅᑦ ᔔᓕᔮᐤ ᒣᓯᑯᒻ ᓂᔥᑐ ᐱᐳᓐᐦ᙮ ᒣᓯᑯᓐ ᐱᐳᓐ ᐅᔑᐦᑖᑲᓅ ᑎᐹᒋᒨᓯᓇᐦᐄᑲᓐ ᒥᓯᐌ ᒫᒃ ᐊᐌᓐ ᒋᑲᒌ ᑲᓇᐙᐸᐦᑕᒻ ᐅᔫᐦ᙮ ᐆ ᐁ ᐃᐦᑎᓈᓅᒡ ᐁᑯᑦ ᐌᐦᒋ ᒋᔅᒉᔨᒫᑲᓅᑣᐤ ᓅᑕᓯᓀᐤ ᑲᒻᐸᓂᒡ ᐯᔓᒡ ᐅᑌ ᑳ ᐃᐦᑖᑣᐤ ᑖᓐ ᐁ ᐃᔅᐸᔨᑣᐤ᙮ ᐁᑎᑑ ᐐ ᒋᔅᒉᔨᐦᑕᒪᓀ ᐆ ᒫᐅ ᑖᐦᑲᐦᐊᐦ click here.

ᐐᐐᑎᒥᐦᒡ 

ᐅᔥᑌ 100 ᑕᐦᑎᓂᔫᐦ ᐐᔓᐌᐎᓐᐦ ᐁ ᓂᑕᐌᔨᐦᑖᑯᓯᑣᐤ ᓅᑕᓯᓀᐤ ᑲᒻᐸᓃᒡ ᒉᒌ ᓇᓈᑲᑕᐌᔨᐦᑕᐦᒀᐤ, ᐁᐅᒄ ᐅᔫᐦ ᔮᐸᑕᓂᔨᒀᐤ ᐯᔓᒡ ᒉᒌ ᐅᐦᒋ ᓇᓈᑲᒋᐦᐋᑲᓅᑣᐤ ᑖᓐ ᐁ ᐃᐦᑎᑣᐤ ᐅᑕ ᑰᐯᒃ᙮ ᑲᔦ ᒫᒃ ᐊᔅᒌ ᓈᔅᒡ ᔮᒀᐤ ᐃᑌᔨᐦᑕᒥᐦᐄᐌᐤ ᐊᓂᑌ ᐁ ᓅᑕᓯᓈᓅᐦᒡ, ᐁᑯᑦ ᒫᒃ ᐌᐦᒋᐸᐃᐦᒡ ᐁ ᓈᓂᑑ ᒋᔅᒉᔨᐦᑖᑲᓅᐦᒡ ᑖᓐ ᒋᐱᒌ ᐃᐦᑎᓈᓅ ᐁᑳ ᓈᔅᒡ ᒉᒌ ᐗᓈᒋᐦᑖᑲᓅᐦᒡ ᐊᔅᒌ ᐅᔅᑲᒡ ᐁ ᐊᑎ ᐋᐸᐦᐄᑲᓅᐦᒡ ᒫᐃᓐ ᐲᐦᐄᒻ ᐁ ᐊᑎ ᒋᐸᐦᐄᑲᓅᐦᒡ ᑲᔦ ᑖᓐ ᒉ ᐃᐦᑎᓈᓅᐦᒡ ᐁ ᐸᔦᐦᒋᐦᑖᑲᓅᐦᒡ ᑳᐤ ᒉᒌ ᒥᔫᓈᑯᐦᒡ ᐊᓂᑕ ᐊᓐ ᐊᔅᒌ᙮

ᐄᓅᒡ ᐁ ᒫᒥᑐᓀᔨᒫᑲᓅᑣᐤ

ᒨᔥ ᐱᒥᐸᔫ ᐋᐦᒌᐤ ᐁ ᐊᑎ ᐃᔅᐸᔨᐦᒡ ᐆ ᐊᔅᒌ ᑲᔦ ᒉᒀᓐ ᐁ ᐃᐦᑎᓈᓅᒡ᙮ ᒋᔅᒉᔨᐦᑕᒧᒡ ᒫᒃ ᓅᑕᓯᓀᐤ ᑲᒻᐸᓃᒡ ᐅᔫ ᐁᐅᒄ ᐌᐦᒋ ᔮᒀᐤ ᒫᒥᑐᓀᔨᒫᑣᐤ ᐊᐌᔫ᙮ ᒉᒌ ᐃᔑᓈᑯᐦᒡ ᒫᒃ ᓃᑳᓐ ᒉᒌ ᐃᔥᐸᔨᐦᒡ ᓅᑕᓯᓀᐤ ᐋᐸᑎᓱᐎᓐ, ᓂᑕᐌᔨᐦᑖᑯᓂᔫ ᒉᒌ ᓇᐦᐁᔨᐦᑕᒥᐦᐋᑣᐤ ᐊᐌᔫᐦ᙮ ᒉᒌ ᒫᒃ ᓇᐦᐁᔨᒫᑲᓅᑣᐤ, ᓴᒋᔦᓲᒡ ᒋᓯᓀ ᒉᒌ ᐊᔨᒥᐦᐋᑣᐤ ᐊᐌᔫᐦ ᑲᔦ ᐄᓅᐦ ᐊᓂᒌ ᒉ ᑖᐦᑲᐦᐆᑲᐎᔨᒡ ᐁ ᓅᑕᓯᓈᓄᔨᒡ ᐁᒄ ᒉ ᓂᑐᐦᑕᐙᑣᐤ ᑖᓐ ᐁ ᐃᔑ ᐅᔥᑕᐌᔨᐦᑕᒥᐦᐄᑯᔨᒡ ᒫᒃ ᒉ ᐃᔑ ᓂᑕᐌᔨᐦᑕᒥᔨᒡ ᒉᒌ ᐃᐦᑎᑣᐤ ᒫᒃ ᐁ ᐐᐦᑕᒥᔨᒡ ᑖᓐ ᐁ ᐃᔑ ᐳᑯᔐᔨᒧᔨᒡ᙮ ᓇᓈᐦᑰ ᑲᑕᒌ ᐃᐦᑎᓈᓅ ᒉᒌ ᐅᐦᒋ ᓇᔅᑯᒧᑣᐤ ᐊᐌᓂᒌ ᐊᓂᑌ ᐙ ᓅᑕᓯᓈᓅᔨᒡ᙮

ᒥᔫᐱᒫᑎᓯᐐᓐ ᐊᓂᑌ ᔮᐸᑎᓯᓈᓅᐦᒡ ᑲᔦ ᔮᒀᒥᓰᐎᓐ
ᓈᔅᒡ ᒋᔅᑎᒫᐌᔨᐦᑖᑯᓲᒡ ᐋᐸᒋᐦᐋᑲᓂᒡ ᐊᓂᑌ ᐁ ᓅᑕᓯᓈᓅᒡ, ᔮᒀᐤ ᒫᒃ ᓇᓈᑲᒋᐦᐋᑲᓅᒡ ᒉᒌ ᒥᔫᐸᔨᑣᐤ ᑲᔦ ᒉᒌ ᔮᒀᒦᑣᐤ᙮ ᐊᓐ ᐁᑳ ᐃᔅᐱᔅ ᐃᐦᑕᑯᐦᒡ ᒉᒀᓐ ᐁᑳ ᒥᔫᐸᔨᐦᒡ ᐊᓂᑌ ᓅᑯᓐ ᑖᐺ ᐌᑖᒡ ᔮᒀᐤ ᐁ ᐃᔑ ᓇᓈᑲᒋᐦᐋᑣᐤ ᐅᑖᐸᒋᐦᐋᑲᓂᐙᐤᐦ ᓅᑕᓯᓀᐤ ᑲᒻᐸᓃᒡ᙮ ᐆ ᒫᒃ ᓅᑕᓯᓀᐤ ᑲᒻᐸᓃᒡ ᐁ ᒫᒨᐱᑣᐤ ᓲᒃ ᑲᑕ ᐋᐸᑕᓰᐦᑲᐦᑕᒧᒡ ᐁᑎᑑ ᒉᒌ ᒥᔫᑲᓇᐌᔨᒫᑣᐤ ᐅᑖᐸᒋᐦᐋᑲᓂᐙᐤᐦ ᑲᔦ ᒉᒌ ᐃᐦᑕᑯᐦᒡ ᔮᒀᒥᓰᐎᓐ, ᑲᑕ ᐃᐦᑕᑯᓂᔫ ᒉ ᐃᔑ ᐐᒋᐦᐋᑣᐤ ᓀᔥᑕ ᒉ ᐃᔑ ᒋᔅᒋᓄᐦᐸᔨᐦᐋᑣᐤ ᓅᑕᓯᓀᐤ ᑲᒻᐸᓃᐦ ᒉᒌ ᐅᐦᒋ ᐃᐦᑕᑯᐦᒀᐤ ᓈᔅᒡ ᒥᔻᒀᐤ ᐋᐸᑎᓱᐎᓐᐦ᙮

ᒸᐤ ᒉᒌ ᐊᔨᒪᐦᐄᑦ

Québec Mining Association
Place de la Cité - Tour Belle Cour
2590, boulevard Laurier, Bureau 720, 7e étage
Québec (Québec) G1V 4M6
ᑖᐦᑳᐱᐦᒉᓂᑲᓐ: 418 657-2016
ᑳᒋᔑᐸᔨᐦᒡ: 418 657-2154
Email: amq@amq-inc.com
ᐐ ᐊᔨᒥᐦᐊᑌ ᐊᐌᓐ ᐆ ᑖᐦᑲᐦᐊ, click here.